Македонски
На 25 ноември, официјално се отвори обуката за конзервација и реставрација на фрески од страна на г-ѓа Марија Станчевска-Ѓоргова , државен секретар во Министерството за култура и туризам, г. Кристоф Ле Риголер, амбасадор на Франција и г. Александар Јорданоски, директор на Националниот конзерваторски центар. Учесници на обуката се десет македонски конзерватори од Националниот конзерваторски центар и регионалните ограноци, вклучени во зачувувањето на фрески од византиската ера.
Пренесувањето на знаењето во конзервацијата, реставрацијата и зачувувањето на културното наследството – што претставува француска извонредност – ќе го водат две експертки од Универзитетот Париз 1 Пантеон-Сорбона : г-ѓа Клер Бетели , конзерватор на слики, и г-ѓа Шарлот Мартин де Фонжодран , доктор по конзервација.
Голема благодарност до Македонското министерството за култура и туризам, Националниот конзерваторски центар , кој е носител на проектот, Делегацијата на Европската Унија во Скопје, за нивната суштинска поддршка, како и до Меѓународната мисија за културна експертиза (MECI) при Француското министерство за култура и комуникации , што овозможи спроведување на овој клучен проект за заштита на македонското културно наследство во рамките на програмата Taiex.
