Македонски
Струмичкиот театар ја започнува новата театарска сезона со претставата „Синот“ од Флоријан Зелер која ќе биде прикажана на 29 јануари (четврток) во 20 часот.
Михаил Велков со суптилна и искрена актерска игра го гради ликот на Никола – млад човек со длабока внатрешна борба. Неговата интерпретација е прецизна и емотивно силна, оставајќи силен впечаток кај публиката.
„Синот“ во режија на Благој Мицевски премиерно беше изведена во јуни 2025 година. Претставата е посветена на 30-годишниот јубилеј актерска дејност на актерот Кољо Черкезов.
Улогите ги толкуваат Кољо Черкезов, Михаил Велков, Јасмина Вучкова, Јулија Милкова, Ванчо Василев и Томе Витанов. Сценографијата е на Благој Мицевски, асистент на режија е Дејан Ангелов, драматург на претставата е Ацо Гогов, преводот од француски на македонски јазик е на Јадранка Стефкова, костимите се на Ванчо Василев, музиката на Марјан Неќак, дизајнот на плакатот е на Ване Костуранов, а видеомонтажата ја направи Марјан Ѓорѓиевски.
