Македонски
Вечерва со претставата „Ничија земја“ од Денис Тановиќ, а во режија на Александар Морфов, во продукција на Македонскиот народен театар (МНТ) ќе се отвори првата фестивалска вечер на новиот европски фестивал „Acting Europe – Театар без граници“, што ќе се одржи од 18 до 21 септември во Ќустендил, соседна Бугарија.
Во „Ничија земја“ играат: Сашко Коцев, Тони Михајловски, Гораст Цветковски, Александар Микиќ, Борче Начев, Оливер Митковски, Софија Насевска-Трифуновска Александар Михајловски, Томе Станковски, Александар Ѓорѓиески, Ненад Анѓелковиќ, Никола Стефанов, Стефан Спасов, Григор Јовановски, Кристина Гиева, Филип Миленкоски, Александар Ивановски и Марија Кондовска.
Првото издание на фестивалот „Acting Europe – Театар без граници“ ја нагласува улогата на меѓукултурната разновидност на европската театарска сцена, преку претставување класични и современи продукции од различни земји.
Во првото издание ќе учествуваат реномирани театарски куќи од Македонија, од Србија и од Бугарија, кои ќе ја презентираат својата работа пред меѓународната публика.
