Концерт на гудачкиот камарен оркестар „Арко“

Во Македонската филхармонија вечерва од 20 часот концерт ќе одржи гудачкиот камерен оркестар „АРКО“, под диригентската палка на Ерхан Шукри.

На сцената ќе се појават три добро познати уметници – Сихана Бадивуку на виолина, Мерсиха Шукри на харфа и Жана Актурк од Турција на мандолина.

Нивниот настап ветува длабока музичка емоција, техничка прецизност и сценска харизма која инспирира. Музички пејзаж со Вивалди, Хачатуриан, Хумел, Корет, Буалдие, Петровиќ и други – со премиерна изведба на неколку дела што за првпат ќе бидат изведени пред македонската публика, велат организаторите.