Македонски
Секторот туризам и официјално премина од Министерството за економија во Министерството за култура и туризам откако вчера во Собранието беа изгласани измените на Законот за туристичка дејност.
Вчера на пленарна седница во Собранието на Македонија беше изгласана предлог- измената на Законот за туристичката дејност во која она што го ветивме претходно дека ќе се угасне Агенцијата за поддршка и промоција на туризмот и сите постапки и сите вработени ќе преминат на една адреса, а тоа е Министерство за култура и туризам, конечно заврши. Се надевам по осумте дена по објавувањето во Службен весник ќе пристапиме кон превземање на вработените, на имотот и се она што поседува Агенцијата за поддршка на туризмот. Она што е особено важно е што сега сите адреси ќе бидат упатни само кон една институција и повеќе нема да е плаќа кирија која ја плаќаше оваа Агенција во Градскиот трговски центар, туку обезбедивме нови просторни услови за работа. Тие ќе се наоѓаат во зградата која сега ја користи Министерството за енергетика, поточно првите два спрата, посочи министерот за култура и туризам Зоран Љутков. Тој додаде дека на овој начин ќе се намалат трошоците ќе се добијат посоодветни услови за работа, на поцентрално и повидливо место.
Со ова околу триесетина вработени од Агенцијата за поддршка на туризмот ќе преминат под Министерството за култура и туризам.
Министерот Љутков посочи дека веќе е направена и средба со туристичките водичи од Македонија и на работен состанок е формирана работна група на која е донесен заклучок за спроведување на активности со кои би се спречило нелегалните туристички водичи да ја искривуваат македонската историја.
Агенцијата за поддршка и промоција на туризмот престанува да постои како самостојна институција и ќе биде во состав на Министерството за култура и туризам, што е официјализирано со измените на Законот за туристичката дејност што вчера беа усвоени во Собранието.
Триесетина вработени во Агенцијата ќе бидат префрлени во секторот за туризам на Министерството кој ќе има и нови простории за што нема да се плаќа кирија како досега во Градскиот трговски центар.
Сите постапки и сите вработени ќе преминат на една адреса, а тоа е Министерството за култура и туризам. Се надевам дека после осумте дена по објавувањето во Службениот весник, ќе пристапиме кон преземање на вработените, на имотот, сѐ она што поседува Агенцијата за поддршка на туризмот. Сите адреси ќе бидат упатени само кон една институција и повеќе нема да се плаќа кирија, којашто ја плаќаше Агенцијата за поддршка на туризмот во ГТЦ туку обезбедивме и нови просторни услови – првите два ката во зградата што сега ја користи Министерството за енергетика. Така што и тука ќе се намалат трошоците, ќе добиеме многу посоодветни услови, поцентрално место, повидливо и, конечно, сега продолжуваме комплетно како Министерство за култура и туризам, изјави министерот за култура Зоран Љутков.
Посочи дека претходно, за да може да се преземат побрзо 30-ината вработени и да бидат подготвени во овој процес, била направена измена во систематизацијата во Министерството.
Со ребаланс на буџетот веќе го имаме обезбедено и буџетот од Агенцијата за поддршка на туризмот, така што сме веќе комплетирани, додаде министерот во изјава за медиумите.
Со ребалансот на буџетот наменет за Агенцијата за поддршка на туризмот, во Министерството за култура и туризам дополнително се обезбедуваат 605 милиони денари или околу 10 милиони евра. Тие се распределени во неколку ставки и ќе бидат искористени за поддршка и промоција на културата и туризмот: за активности на Плаошник, Скопското кале, за Агенцијата за филм итн.
Министерот соопшти дека е формирана работна група за унапредување на дејноста туристичките водичи на состанок што го имале со нив и со здруженијата од државава.
Донесовме неколку заклучоци, за големите болки што ги имаат туристичките водичи, а и ние како држава – искривувањето на вистината на нелегалните туристички водичи коишто доаѓаат и од други земји, но и од нашава земја, и кои прават голема штета на Македонија. Во наредниов период ќе треба да ги спроведеме заклучоците и да се заштитиме од таквите влијанија понатаму, рече Љутков.
Паралелно со подготовка на нова стратегија за културата, по истекот на претходната во 2022, Министерството подготвува и Стратегија за туризмот за периодот 2027-2032
