Македонски
Кавадаречката библиотека „Феткин“ воведе нови услуги за нејзините членови. Како што беше соопштено денеска, може да се резервираат книги преку интернет, како и продолжување на зајмена граѓа.
Нема повеќе чекање за да се добие омилена најнова книга. Од 1 јануари библиотеката започна со отворање профили за своите читатели на онлајн платформата „cobiss plus mk“. Преку профилот може да се резервира книга што се сака да се проичита, без да мора да се чека да биде вратена на нашите полици, појаснуваат од библиотеката.
Со отворање бесплатен профил, освен достапност до овие услуги, членовите имаат пристап и до базата на сите наслови што веќе ги прочитале. Станува збор за услуга, како што беше посочено, што била барана од читателите.
Овие две услуги ќе бидат бесплатни во промотивен период до 1 март. До добивање на видео упатства, за отворање профил и сите дополнителни информации, граѓаните може да се обратат директно во библиотеката, додаваат од „Феткин“.
