Возило излетало од пат кај село Трапчин Дол, има повредени

Фото: Freepik

На 07.12.2025 околу 03:00 часот во ОВР Кичево е пријавено дека на магистралниот пат Гостивар-Кичево, кај кичевското село Трапчин Дол, патничко возило „волво“ со американски регистарски ознаки, управувано од Ф.А.(32) од Кичево, излеталo од патот.

Во несреќата со тешки телесни повреди се здобила сопатничката А.З.(25) од Кичево, додека со телесни повреди се здобил возачот, констатирани во Медицински центар Кичево.

Извршен е увид од увидна екипа на ОВР Кичево.