Уапсен возач кој побегнал по сообраќајка

Полициски службеници од Полициското одделение за безбедност на патниот сообраќај Гостивар вчера го лишија од слобода Ф.И.(36) од с.Вруток, гостиварско.

По претходно случена сообраќајна незгода во Гостивар, при што управувал патничко возило „фолксваген кеди“ со гостиварски регистарски ознаки, по што го напуштил местото на настанот, полициски службеници го пронашле и по извршена проверка било констатирано дека го управувал возилото без возачка дозвола, соопшти денеска СВР Тетово.

Од таму додаваат дека по насоки од јавен обвинител, возачот е лишен од слобода, возилото е одземено и по целосно документирање на случајот, ќе следува соодветен поднесок.