Eдно лице загина во пожар на фарма кај железничката станица Ѓорче Петров

Полицијата потврди дека едно лице загина вчера попладне во пожар во фарма кај железничката станица Ѓорче Петров. Покрај изгорено тело на жртвата, најдени се и изгорени домашни животни од опожарената штала.

-На 06.07.2025 во 18.00 часот во СВР Скопје е пријавено дека кај мост на река Лепенец, во близина на Железничка станица Ѓорче Петров настанал пожар на сува трева, кој се проширил и зафатил неколку помошни простории и штали во кои имало домашни животни. Пожарот е изгаснат од Бригадата за противпожарна заштита Скопје, а во една од помошните простории било пронајдено изгорено човечко тело, како и изгорени тела од добиток. Се преземаат мерки за расчистување на случајот, одговорија од МВР.