Skip to main content

Меџити: Локацијата во Битола сега има околу 50 диви дипонии, идејата е да се направи една по европски стандарди

Локацијата во Битола сега има околу 50 диви дипонии, а проектот предвидува една нова локација во рамки на директивите на ЕУ, во рамки на РЕК Битола. Средствата се добиени и нема негативни ефекти врз животната средина, изјави вицепремиерот и министер за животна средина и просторно планирање Изет Меџити. 

Одговарајќи на прашање од пратеничката Бисера Костадиновска Стојчевска од СДСМ, Меџити рече дека идејата е за пристап до оваа депонија да се изгради нов пат, што нема да минува низ Битола, туку ќе минува околу и ќе биде во функција на повеќе општини. 

Избраната локација е во рамки на РЕК Битола, внатре. Локацијата во моментот има над 50 диви депонии и идејата е тие да се елиминираат и да се создаде една депонија по европски стандарди. Моменталната локација која ја користи Општина Битола ги загадува воздухот, водата и почвата, а новата локација ќе биде во рамки на Директивите на ЕУ за депонијата и законите во државата. Средствата се обезбедени и оваа локација нема негативно да влијае врз амбиентот. Новата депонија нема да предизвика загаденост, туку ќе направи елиминација на 50 диви депонии, посочи Меџити од собраниската говорница.  

Ова, нагласи Меџити, е прва фаза, и треба сите да собереме сили и средства да влеземе во втора и крајната фаза, што значи и рециклирање на отпадот.

Ние сме во комуникација и со единците на локална самоуправа и со регионите и нема ништо да се направи што не е во интерес на граѓаните и животната средина. Истиот пристап е со сите регионални депонии на републичко ниво, порача Меџити.  

Проектот за депониите, посочи Меџити, се финансираат со средства од Европската банка за обнова и развој и Европската банка за инвестиции. 

Овие проекти се почнати во минатата Влада и динамиката е многу поинтензивна. Сега се работи интензивно и во првиот проект со општините досега сме постигнале да реализираме над 15 проценти, а сме почнале од 0 проценти, посочи Меџити. 

Прашан за излевањето во Крива Паланка, Меџити рече дека, Инспекторатот за животна средина директно изрекол највисока казна за фирмата и се чекаат дополнителните аналзии за да се види конкретната ситуација. – Во моментот кога ќе се добијат информациите, инспекторатот ќе излезе на прес-конференција, да се опише детално, изјави Меџити. 

Поврзани вести