Пронајдено злато во Србија: Каде е златната жичка и која меѓународна комапнија ќе копа

suradeach-saetang-on-unsplash

Австралиски и канадски компании ги здружуваат силите за да спроведат проект за ископување злато и бакар околу наоѓалиштето Барје. Австралиската компанија „Минерекс“ објави дека постигнала конечен договор за купување на канадската компанија „Електрум“ за 18,7 милиони долари, а клучен дел од договорот е проектот за злато и бакар „Тламино“ во Србија.

Проектот „Тламино“ располага со ресурси од околу 670.000 унци златен еквивалент, со просечна содржина од 2,9 грама на тон, што го прави еден од поперспективните проекти во регионот, пишува „Мајнинг викли“.

Прелиминарна економска проценка за проектот е направена во 2021 година, додека сега постои значителен потенцијал за понатамошен раст на ресурсите преку ново дупчење и истражување, пишува „Танјуг“.

Посебна вредност на „Тламина“ е пошироката зона на истражување околу наоѓалиштето Барје, каде што се идентификувани дополнителни локации со висока содржина на злато.

Како што претходно објавија медиумите, „Електрум“ објави финансирање од 1,5 милиони канадски долари, кои ќе бидат искористени за продолжување на истражувањето на својот проект за бакар и злато „Тимок Исток“, вклучувајќи ја и програмата за прво дупчење и за потребите од обртен капитал.

„Електрум“ има два истражувачки проекти во Србија кои покриваат вкупно 645 квадратни километри – покрај Источен Тимок на 123 квадратни километри, тие го имаат и проектот „Ново Тламино“ во југоисточна Србија кој покрива дури 522 квадратни километри. Компанијата неодамна објави дека открила ветувачка аномалија на бакар и злато во регионот Источен Тимок, околу пет километри од наоѓалиштето Велики Кривељ“, напиша претходно „Е Капија“.

Во рамките на проектот „Ново Тламино“, постои историски извор на злато, таканаречениот проект за злато „Тламино“. Проценките покажаа дека на локацијата Барје во близина на Босилеград, во рамките на лиценцата Доње Тламино, има 7,1 милион тони руда со 2,9 грама злато на тон (што е околу 20 тони златен еквивалент) и дури 38 грама сребро.

Помеѓу 1950-тите и 1970-тите, југословенската влада систематски го истражувала подрачјето за олово и цинк, но не и за злато, што отвора значајна можност за „Електрум“, соопшти канадската компанија. Компанијата поседува седум лиценци за проектот, односно седум права за истражување.

Трансакцијата беше завршена како спојување на еднакви, при што акционерите на „Електрум“ поседуваат околу 49 проценти од новата компанија, додека акционерите на „Минерекс“ ќе поседуваат околу 51 процент. По зајакнувањето на својата позиција во Србија, споената компанија планира паралелно да развива и други проекти во своето портфолио, вклучувајќи го и рударскиот проект Софала во австралиската држава Нов Јужен Велс.