Се познаваат повеќе од 30 години, ги делеле школските клупи, заедно пораснаа на улиците во Ново Лисиче и после толку време решија да влезат во студио и да создадат музичко ремек-дело кое ќе остане запишано во аналите на македонската музичка историја. Марко Маринковиќ или познат како Слаткар и близнаците од дуото „Некст тајм вчера во точно 18:00 часот ја објавија нивната прва музичка соработка со наслов „Океани”.

За помалку од 20 часа песната е една од најслушаните во овој момент во нашата држава според статистиката на музичката платформа „Јутјуб“.

Позади овој проект стојат многу луѓе, но најзаслужните за ова да звучи така како што звучи се Слаткар и Лазар Цветкоски кои се потпишуваат како автори на музиката, текстот е дело на Стефан, Лазар и Слаткар, а аранжманот пак е заслуга на Лазар.

Песната ја работевме година ипол, две. Излезе една фина и емотивна песна. Со близнаците се познаваме цели 31, 32 години и дури сега се споивме. Дури сега најдовме начин како да ги споиме нашите музики. Чудно е, тешко се спојуваат ама успеавме сите заедно и нормално со Лаки кој е мајстор, изјави познатиот рапер Слаткар.

Ниту момците од „Некст тајм“ не го криеја задоволството од крајниот резултат.

Мислиме дека создадовме одлично музичко дело, песна што веруваме дека ќе остане. Тоа е за нас најважно, да имаме што да оставиме на генерациите кои доаѓаат, куси беа познатите муичари.

За „Океани” се сними и видеоспот кој го режираше токму Мартин од Некст Тајм, додека Кристијан Теодоров беше задолжен за камерата. Спотот е снимен на неколку локации, а главни актери се тројцата другари од Ново Лисиче…

https://youtu.be/TuW2XmZanRE?si=1lKbdQzsR0b4XwY8

The post „Свири ја Бисер Балкански, рани да излечи“ – слушнете ја „Океани“ на „Некст тајм“ и Слаткар appeared first on Република.

Музичарот Мартин Филиповски од дуото „Некст Тајм“ стана татко. Неговата сопруга, ракометарката Андреа Белеска на свет донесе девојче кое го доби името Лиана.

Мартин и Андреа се заедно од 2015-та година, а во 2022-ра година тој ја запроси ракометарката во интимна атмосфера.

Потоа, црковната венчавка се одржа во родниот град на ракометарката Андреа во Кичево.

Инаку, Мартин и Андреа неколку години ја одржуваа врската на далечина.

Андреа прво играше за ракометниот клуб „Металург“, за турскиот клуб „Јенимале“, романската „Валчеа“, шведскиот „Боден“ и грчкиот „ПАОК“.

The post Светот во раце, добредојде Лиана: Мартин од „Некст Тајм“ стана татко appeared first on Република.

Ламбе Алабакоски заедно со „Некст тајм“ и композиторот и музичар Никола Мицевски се на голема турнеја низ Австралија, каде настапуваат пред нашинците од дијаспората.

Од центарот Сиднеј Ламбе објави видео каде што пее македонски песни:

„Некст тајм“, пак, ја пееја „Ја излези Ѓурѓо“:

The post „Слушајте Македонци, чувајте го името“ – грмна Ламбе среде Сиднеј appeared first on Република.

Браќата Стефан и Мартин од „Некст тајм“, кои се на турнеја во Австралија, се сретнале со шампионот во УФЦ, Австралијанецот со македфонско потекло, Александар Волкановски.

По оваа средба, Мартин и Стефан, на социјалните мрежи објавија и фотографии во друштво на Волкановски.

Честа е наша. Се запознавме со шампионот во УФЦ, и голем човек пред се Alexander „The Great“ Волкановски…Ти благодариме од срце“, стои во нивниот пост на Фејсбук.

The post Мартин и Стефан од „Некст тајм“ се сретнаа со шампионот во УФЦ, Александар Волкановски appeared first on Република.

Браќата Мартин и Стефан Филиповски им се заблагодарија на поддржувачите за освоената Златна бубамара на популарноста во категоријата Албум на годината, која ја добија за албумот „Мајка“.

Албум на годината!!!
МАЈКА
Посветен на сите мајки лавици!!!
И ние сме деца на мајката земја, на мајката земја на Македонија!!!

Ви благодариме на сите за безрезервната поддршка!!!, велат „Некст тајм“.

The post „Посветен е на сите мајки лавици!“, порачаа „Некст тајм“ за Бубамарата за албум на годината appeared first on Република.

За концерот на Некст тајм, кој се одржа на 17 декември во салата „Борис Трајковски“ несомнено  уште долго ќе се зборува.

Слушнете како звучи „Бисер балкански“ во изведба на браќата Стефан и Мартин.

The post „Бисер балкански“, моќна празнична честитка од Некст тајм appeared first on Република.

Во еден глас од срце и со полна душа се пееше „Бисер Балкански“ во преполната сала „Јане Сандански“ на концертот на „Некст тајм“. Бендот најавува дека наскоро концертот ќе може да се погледне на МТВ, како и онлајн. Засега споделуваат само дел од неописливата со зборови атмосфера:

Чекавме 15 години за ваков магичен момент, момент што не се опишува со зборови можеби ниту со слика, едноставно е врежано во нашата душа и меморија, која што вечно ќе ја носиме во нас.
Благословени сме што ве имаме и среќни што ни давате можност нашиот сон музички да го живееме на волкава сцена.
Ве сакаме Македонијо, не застануваме тука ова е еден огромен мотив да се докажуваме уште повеќе.
Најголемото благодарам иде за вас публиката, ВЕ САКАМЕ.
ЖИВА БИЛА МАКЕДОНИЈА!!!, порачаа по концертот Стефан и Мартин Филиповски.

The post „Жива била Македонија“: Како звучеше „Бисер балкански“ од публиката на концертот на „Некст тајм“ appeared first on Република.

Стефан и Мартин од Некст Тајм направија одличен концерт во салата „јане Сандански“ на кој публиката уживаше со нивните познати преработки на некои од најубавите македонски народни песни.

Тука беше и Влатко Лозановски - Лозано, кој како специјален гостин, заедно со Некст тајм го пее големиот хит „Ја излези Ѓурѓо“.

The post Некст тајм приреди уживање за публиката во „Јане Сандански“ appeared first on Република.

Стефан и Мартин најавија одличен концерт на кој ќе ги пеат нивните познати преработки на едни од најубавите македонски народни песни, а исто така ветија дека ќе ја изненадат публиката и со нови преработки, кои ги избрале само за овој концерт.

Влезници можат да се купат онлајн – ТУКА, а ќе може да се купат и на денот на самиот концерт на билетерата на спортскиот центар.

Специјален гостин на нивниот концерт е поп-пејачот Влатко Лозаноски – Лозано, со кого заедно ќе го испеат нивниот голем хит „Ја излези Ѓурѓо“.

„Некст Тајм“ ќе настапат со нивниот бенд на чело со маестро Николче Мицевски.

Тие на социјалните мрежи објавија и видео во кое уште еднаш ја поканија нивната публика да дојде и да ужива на нивниот концерт.

 

View this post on Instagram

 

A post shared by Next Time (@nexttimeband)

The post Нови преработки, специјални гости и одлична забава: Вечерва голем концерт на „Некст тајм“ во „Јане Сандански“ appeared first on Република.

На 17-ти декември во Спортскиот центар „Јане Сандански“ во Скопје, голем солистички концерт ќе одржи македонскиот музички бренд - „Некст Тајм“.

Тие ќе бидат придружувани од нивниот бенд, на чело со маестралниот композитор и музичар – Николче Мицевски, со кои ќе го презентираат нивното музичко творештво, како и материјалот од нивниот последен албум „Мајка“.

Публиката со нетрпение го очекуваше токму овој момент за тие во живо и на голема бина да ги отпеат нивните најголеми хитови како што се: „Ја излези Ѓурѓо“, „Нешто ќе те питам Бабо“, „Слушам кај шумат шумите“, „Кога падна на пирина“ и уште многу други.

Пријатели ве очекуваме во голем број, да уживаме во македонска музика и музички СПЕКТАКЛ, порача Стефан на социјалните мрежи.

 

Ве чекаме на концерт! Сметаме на вашата поддршка. Фала. 17-ти декември, „Јане Сандански“, објави и Мартин на својот профил на Фејсбук.

Специјален гостин на концертот ќе биде еден од најдобрите вокали на овие простори, нивниот колега и многу добар пријател, Влатко Лозаноски – Лозано.

Влезниците се веќе пуштени во продажба и истите може да ги купите преку продажната мрежа на MkTickets, како и во повеќето градови во Македонија.

* ЛитеретураМК Superstore - City Mall

* Литература - Улица Македонија

* ЛитератураMK - „ГТЦ“

* ЛитератураMK – „Веро Џамбо“

* ЛитератураMK – т.ц. Буњаковец

* Билетара на Универзална сала

* Макпетрол - Илинденска

* Макпетрол - Влае

* Макпетрол - Козле

* Гранд - Тетово

* Кафе бар Монако - Тетово

* Кафе Агора - Куманово

* TA Бран – Прилеп

*TA Вис Пој - Охрид

* Вона 5 - Гостивар

* ТА Меридијан - Кичево

* Кафе Бар Концепт - Струмица

* Уни сон - Велес

* Литература – Битола

Наскоро повеќе информации поврзани со овој голем музички спектакл закажан за на 17-ти декември во Спортскиот центар „Јане Сандански“ во Скопје.

The post Голем солистички концерт на „Некст Тајм“ во Скопје appeared first on Република.

Со видео од синоќешната изведба на Нешто ќе те питам бабо, момците од Некст Тајм го честитаа денешиот празник - Денот на независноста на Македонија.

Честит ден на независноста на Република Македонија!!! стои до видеото објавено на фејсбук страницата на Некст Тајм.

Повеќе од 5.000 граѓани се собраа вчера на плоштадот во Автокоманда, каде со голем музички настан беше одбележан 8ми Септември, Денот на независноста на Македонија.

The post Со емотивна изведба на Нешто ќе те питам бабо, Некст Тајм го честитаа Денот на независноста appeared first on Република.

Повеќе од 5.000 граѓани се собраа вчера на плоштадот во Автокоманда, каде со голем музички настан беше одбележан 8ми Септември, Денот на независноста на Македонија.

На настанот, кој беше во покровителство на градоначалникот на општина Гази Баба Бобан Стефковски, настапија „Некст тајм“, Ламбе Алабаковски, Бојана Скендеровски и Влатко Миладиновски.

Моја Гази Баба, Ви благодарам од срце.
Повеќе од 5000 граѓани на плоштадот во Автокоманда порачаа:
Ние сме Македонци и нашата татковина е Република Македонија.
Нека е вековита самостојна, суверена и независна Македонија, напиша Стефковски.

The post Над 5.000 луѓе во Автокоманда порачаа: Ние сме Македонци и нашата татковина е Република Македонија appeared first on Република.

Потпретседателот на ВМРО-ДПМНЕ Александар Николоски вечерва е во Тетово во рамките на кампањата за локалните избори за избор на Совет на општината.

Од Жена паркот тој сподели впечатоци од прекрасната атмосфера и испрати порака дека жива е Македонија.

Иницијативата „Го сакам Тетово” на 10 и 11 август организира големи бесплатни концерти на Ламбе Алабаковски и Некст тајм.

Младите во Тетово се заборавени и секој ден го напуштаат нашиот град. Мора сите заедно да придонесеме за едно подобро Тетово, за еден подобар живот со подобри услови, иднина и опстанок на младите во Тетово, велат од иницијативата „Го сакам Тетово”.

Освен овие музички концерти, ова иницијатива најавува и други вакви или слични настани до крајот на летото.

The post „Ја излези Ѓурго“ во македонско Тетово: Жива е Македонија! appeared first on Република.

Музички спектакл на отворена сцена на 10 и 11 август најавуваат организаторите од иницијативата „Го сакам Тетово“, со настапи на Ламбе Албаковски и „Некст тајм“.

Концертите ќе бидат на отворено и бесплатно во Жена парк, а граѓаните ќе имаат можност да донираат и средства за загрозено семејство.

Младите во Тетово се заборавени и секој ден го напуштаат нашиот град. Мора сите заедно да придонесеме за едно подобро Тетово, за еден подобар живот со подобри услови, иднина и опстанок на младите во Тетово, истакна Станислав Бојчески од иницијативата.

Иницијативата „Го сакам Тетово” најавува и други настани во текот на летото.

The post Хуманитарен настап на Ламбе Алабаковски и „Некст тајм“ во Тетово appeared first on Република.

На 30 јули во Античкиот театар во Охрид за првпат заеднички концерт ќе оддржат моментално најактуелните македонски ѕвезди, групата „Некст тајм“ и Влатко Лозаноски - Лозано.

Овој настан за нас е од огромно значење пред се поради тоа што првиот наш фестивал во 2008 како „Некст тајм“, беше токму овде на Антички и ја освоивме публиката која исто така и ден денес е со нас. Заедно со Лозано се појавивме на тој фестивал и некако се зближивме од тогаш. После толку години градејки ги нашите музички кариери ете стигнавме да одржиме за прв пат заеднички концерт, велат Мартин и Стефан Филиповски.

Се надеваме, додаваат, дека публиката ќе ужива во песните од нашиот најнов албум, но сигурно ќе има и изненадувања. Очекуваме публиката да дојде во голем број и заедно да уживаме во една незаборавна вечер исполнета со нашата заедничка уметност.

Антички театар е историски простор каде што секој изведувач од Македонија би сакал да настапува, како еден од најреномираните локалитети за правење концерти воопшто кај нас. Отворената сцена, но и самата историја која што ја крие Дава на тежина и големо значење на секој евент кој што се организира таму. Со големо исчекување го очекуваме концертот и ветуваме заеднички дека ќе направиме одлична музичка претстава на сите присутни. Ги покануваме сите во Охрид и уште еднаш „ова лето ќе се памти" по уште еден одличен концерт заедно со моите пријатели од Некст Тајм, вели Лозано.

Влезниците веќе се во продажба преку продажната мрежа на „Купи карти за сè“ како и онлајн на следниот линк.

The post „Некст тајм“ и Лозано вечерва со заеднички концерт во Антички театар во Охрид appeared first on Република.

На 30 јули во Античкиoт театар во Охрид, спектакуларен концерт ќе одржат моментално најголемите музички имиња од нашата земја, милениците на публиката – Лозано и „Некст тајм“.

Тие ќе одржат тричасовен концерт на кој ќе ги пеат своите најголеми хитови, а исто така се планира и изненадување за сите присутни. И „Некст тајм“ и Лозано ќе настапат со своите бендови, а во Охрид пристигнуваат еден ден порано со цел да се направат последните подготовки пред големиот концерт.

Организаторите на концертот велат дека интересот е огромен и дека летово и покрај тоа што во Охрид има многу музички настани, овој концерт е еден од најпродаваните.

Мислам дека ова е еденствен голем концерт на македонски изведувачи ова лето во Охрид, а тоа ни беше доволно мотивација да покажеме и докажеме дека и ние имаме музички имиња кои можат да парираат на сите регионални ѕвезди кои доаѓаат кај нас нас, накусо ни изјавија организаторите.

Инаку и Лозано и Некст Тајм оваа година настапуваат речиси насекаде низ земјата, а наскоро тие ќе ги објават и деталите за нивните турнеи преку океанот.

Влезници за концертот на 30 јули на Антички театар може да купите преку продажната мрежа на „www.kupikartizase.com“, како и на плоштадот во Охрид.

The post Лозано и Некст Тајм имаат најпродаван концерт ова лето во Охрид appeared first on Република.

Момците од Некст Тајм и Влатко Лозаноски-Лозано со голем заедничк концерт на 30 јули во Антички Театар-Охрид.

Несомнено македонскиот туристички бисер, крајот на месецов, во екот на туристичката сезона, ќе биде домаќин на едни од најголемите музички имиња во моментов, на македонската музичка сцена.

The post „Некст Тајм“ и Лозано со голем заеднички концерт во Охрид appeared first on Република.

Вчеравечер во хотелот „Мериот“ во Скопје, момците од „Некст Тајм“, Стефан и Мартин Филиповски пред своите пријатели, колеги, соработници и фанови го промовираа нивниот најнов албум кој носи наслов „Мајка“.

На албумот се наоѓаат девет композиции, од кои повеќето веќе познати, а три од нив сосема нови, плус уште една бонус, но таа привилегија да ги слушнат и тие песни ќе имаат само тие што ќе го купат албумот.

Во преполната сала на хотелот момците од „Некст Тајм“, заедно со својот бенд во живо на чело со музичкиот продуцент на албумот Николче Мицевски за присутните изведоа неколку песни, додека пак на крајот тие ја испеаа и нивната „лична карта“, „Ја излези Ѓурѓо“ и тоа заедно во дует со нивниот голем пријател и колега Влатко Лозаноски – Лозано.

Велат дека имаме две мајки. Така и ние , едната е нашата мајка Сузана, а другата е татковината. Затоа што татковината ја викаме мајка Македонија. Албумот го посветуваме на целата наша земја, на Македонија. Како и на нашата мајка Сузана и на сите мајки борци. Секој нека си го доживее на свој начин и нека го подари на својата мајка или на Македонија, рекоа тие на промоцијата.

Како што кажавме, помеѓу присутните можевме да забележиме доста познати личности. Тука беше и нивниот голем пријател, градоначалникот на Куманово, Максим Димитриевски, градоначалникот на Општина Аеродром, Тимчо Муцунски, градоначалникот на Прилеп, Борче Јовчески, политичарот Илија Димовски, Ленин Јовановски, спортиската Власта Ружиновска, пејачката Елена Ристеска, виолинистот Виктор Ангeлов, џез-пејачката Агни Авшар и многу други...

По завршување на официјалниот дел, Стефан и Мартин останаа да се дружат со своите гости, па речиси час и половина тие се фотографираа и потпишуваа цедиња.

The post „Некст тајм“: Албумот им го посветуваме на нашите две мајки, Сузана и Македонија appeared first on Република.

Утре во хотел „Мериот“ во 20 часот Некст тајм ќе го провоираат новиот албум „Мајка“.
Промоцијата е од отворен тип, и ќе имаат можност сите оние кои ја сакаат и ја поддржуваат нашата музика, да присуствуваат и да уживаат во мини концертната изведба на дел од песните од албумот.

Албумот се изработуваше долг период под палка на Никола Мицевски, а е снимен и мастеризиран во XLstudio Momiroski.
На албумот има девет (9) композиции од кои една е Бонус трака за песната "Ја излези Ѓурѓо", која што е во ново руво и во дует со Влатко Лозаноски - Лозано, велат од Некст тајм.
Албумот МАЈКА ќе може да се купи само на самата промоција, и ќе биде во лимитиран број.

The post Промоција на новиот албум „Мајка“ на Некст тајм appeared first on Република.

Maкедонскиот бенд „Некст тајм“ во вторник ќего промовира нивниот нов албум насловен „Мајка“.

Промоцијата е од отворен тип, и ќе имаат можност сите оние кои ја сакаат и ја поддржуваат нашата музика, да присуствуваат и да уживаат во мини концертната изведба на дел од песните што се наоѓаат на самиот албум, порачуваат од групата.

Албумот се изработуваше долг период под палка на Никола Мицевски, а е снимен и мастеризиран во „XLstudio Momiroski“.

На албумот има девет (9) композиции од кои една е Бонус трака за песната „Ја излези Ѓурѓо", која што е во ново руво и во дует со Влатко Лозаноски Лозано.

Веруваме дека ова е нешто што ќе остане!!!, велат Мартин и Стефан Филиповски.

The post „Некст тајм“ ќе го промовира албумот „Мајка“ appeared first on Република.