Победнички старт на Ивановски на челинџерот во Франција

Фото: Тениска федерација

Најдобриот македонски тенисер Калин Ивановски со сигурна победа стартуваше на Челинџер турнирот во француски Ројан, откако денеска го победи Норберт Гомбош од Словачка со 2-0 (6-1, 6-3).

Ивановски веднаш на стартот од мечот успеа да направи брејк и да поведе со 1:0, а сигурната игра ја продолжи и до крајот на сетот кога успеа да одземе уште два сервис гема на противникот и првиот сет го доби со 6:1.

Ивановски продолжи со сигурна игра и во вториот сет и до стартната победа дојде за 72 минути.

Во следното коло Ивановски ќе игра против петтиот носител, 31 – годишниот Димитар Кузманов од Бугарија, (253. место АТП).

Челинџерот во Ројан се игра за награден фонд од 54.000 евра.