Македонски
Актуелниот шампион во Мото ГП, Марк Маркез, ја освои денеска Големата награда на Малезија, негова прва од 2018 година, и ја зголеми предноста на 44 бодови во генералниот пласман пред главниот ривал Хорхе Мартин.
Маркез имаше одличен старт на патеката во Сепанг и веќе во првиот свијок го помина својот брат Алекс, кој ја почна трката од пол-позицијата. Алекс Маркез брзо го врати водството, но отиде премногу широко во следната кривина, што Марк го искористи да се врати на челната позицијата која не ја испушти до самиот крај на трката.
Со денешната победа, седумкратниот светски првак дојде до 399 бодови во генералниот пласман, 44 поени пред Мартин, кој ја пропушти трката во Малезија поради скршен зглоб.
Педро Акоста од КТМ го освои второто место, а на подиумот се искачи и третопласираниот Алекс Маркез (Гресини).
Сезоната во Мото ГП се сели на патеката Лусаил за Големата награда на Катар, која треба да се одржи следната недела и покрај противењето на возачите, кои се загрижени за својата безбедност поради војната на Блискиот исток.
