Македонските кадетки го совладаа Косово на Балканското првенство во одбојка

Македонската женска одбојкарска репрезентација до 19 години ја запиша првата победа на Балканскиот првенство во Тирана, откако попладнево со максимални 3:0 во сетови (25:23, 25:17, 25:17) триумфираше над Косово.

По вчерашниот пораз од Бугарија во воведното коло, избраничките на селекторот Александар Митев денеска одиграа на високо ниво во сите три сета.

Откако со пресврт успеа да го освои првиот сет, надоместувајќи негатива од 21:23, Македонија во продолжението доминираше на теренот, освојувајќи ги преостанатите два сета со идентични 25-17.

Македонија утре во 13 часот го игра третиот дуел од групната фаза против Турција.