Џиро д‘ Италија иднава година ќе почне од Албанија

Албанија ќе биде домаќин на поетокот на меѓународната велосипедска трка „Џиро д’Италија“ следната година, соопштија организаторите.

Првите три етапи ќе се возат во Албанија од 9 до 11 мај.

Првата етапа ќе стартува во пристанишниот град Драч и ќе заврши во Тирана по ридско возење од 164 километри.

Тирана ќе биде домаќин на втората етапа, во должина од 13,7 километри хронометар, поединечно, а потоа, третата етапа, исто така, ќе биде ридско возење од 160 километри што почнува и завршува во приморскиот град Валона.

По ден одмор, трката ќе се пресели во Италија, а целата рута за Џиро 2025 ќе биде објавена во јануари.