Македонски
Јуниорската кошаркарска репрезентација на Македонија по денешниот пораз од БиХ 69:79 (14:32; 12:21; 15:17 и 28:9) го зазеде 18.то место на Европското првенство Б дивизија за кошаркарки до 18 години што се игра во Литванија.
Денешниот натпревар почна во знак на ривалките, кои имаа и извонреден шут за три поени и во првата четвртина постигнаа дури 32 поена што се покажа решавачко. Последниот период беше и најдобриот на избраничките на селекторот Виктор Петровски, кој го добија со 28:9, но не беше доволно за неизвесна завршница.
За разлика од претходните натпревари Петровски на денешниот имаше три расположени кошаркарки: Ања Начевска со 16 поени и 17 скокови, Ива Колева 20 поени и по 7 скокови и асистенции и Теа Трајковска со 19 поени и 8 скокови. Најефикасна на дуелот беше репрезентативката на БиХ Амина Смака со 24 поени.
Македонија со една победа и пет порази го заврши шампионатот.
