Концерт на дуото Омерагиќ / Спировски

Вечерва, во кафе-книжарницата „Буква“, со почеток во 20:30 часот, ќе имате можност да го проследите концертот на дуото Омерагиќ / Спировски.

По подолго време овој состав е повторно во акција. Дуо кое е плод на повеќе од децениско пријателство и силно музичко партнерство во голем број на бендови. Всушност, во најголемиот број на состави во кои учествува едниот, учествува и другиот. Факт кој веруваме доволно добро ја опишува длабочината на оваа музичка врска. Во овој дуо формат досега имаат издадено само еден албум. Интересно што и тој не е со нивните стандардни инструменти, туку е албум снимен на две пијана. Сепак, претпоставуваме дека оваа неатрактивна бројка набрзо барем малку ќе се подобри.

Концертот ќе започне најдоцна во 20:45, бидејќи музичката програма треба да заврши најдоцна до 21:45, поради тоа што остатокот од вечерта ќе биде посветен на еден од великаните на филмската уметност, неодамна починатиот Дејвид Линч.

Дени Омерагиќ – контрабас и електроника, можеби и електричен бас.
Нинослав Спировски – тенор сакс и можеби кларинет или сопран сакс.