Македонски
Исклучително филмско доживување со проекции во Дојран, Гевгелија и Струмица денеска на фестивалот „Преку езерото“
Петтото издание на Фестивалот на балкански и медитерански филм „Преку езерото“, кој годинава за првпат се одржува во три града: Дојран, Струмица и Гевгелија носи исклучително филмско доживување. Иранската кинематографија е во фокус на фестивалот, а публиката ќе има ретка можност да проследи и ексклузивна светска премиера.
Денеска во рамките на програмата „Земја во фокус: Иран“ во Домот на културата во Гевгелија ќе биде прикажан филмот „Шума со портокали“ на режисерот Арман Кансиријан, филм кој носи лирска, визуелно впечатлива интроспекција вкоренета во пејзажите на северен Иран, а потоа ќе се одржи и панел дискусија на тема „Кој ќе ја режира иднината на современиот ирански филм?- Може ли иранскиот филм да се носи со предизвиците на модерното живеење?“ на кој ќе говорат Мехрдад Хамнеи, директор во студиото „Егзит Арт“, Агим Абдула, режисер кој има дипломирано режија во Иран и Дамјана Ивановска филмолог од Кинотека.
Во текот на фестивалскиот ден во Центарот за култура „Антон Панов“ во Струмица ќе бидат прикажани филмови од краткометражната селекција, како и „Кодот на Преспа“ во режија на Никола Поповски и неколку етнолошки филмови кои се дел од песебната програма на фестивалот.
Подоцна со иранската кинематографија ќе се запознаат гледачите во Струмица преку филмот „Проекционист“ Горбанали Тахерифар , кој ќе биде прикажан нво паркот пред Домот на АРМ во Струмица и ќе донесе топло, носталгично љубовно писмо до самото кино.
Во Дојран вечерва во Амфитеатарот ќе се одржи проекција на „Бумбарово лето“ во режија Даниел Кушан, со малцинска македонска копродукција.
Синоќа, публиката во Дојран се сретна со лауреатот на наградата „Мето Јовановски“, истакнатиот македонски актер, Тони Наумовски. Фестивалот во чест на лауреатот ги прикажа филмовите „Мојот Њујорк“ и „Лена и Владинир“, а присутните сведочеа на разговор и портрет со Наумовски.
09 Јули ЧЕТВРТОК – Дом на култура – Гевгелија
ЗЕМЈА ВО ФОКУС: ИРАН
11:00 ШУМА СО ПОРТОКАЛИ режија Арман Кансаријан / ИРАН / 2023
THE ORANGE FOREST directed by Arman Khansarian / IRAN / 2023 / 93 min
13:00 Панел дискусија: Кој ќе ја режира иднината на современиот ирански филм?
- Може иранскиот филм да се носи со предизвиците на модерното живеење?
09 Јули ЧЕТВРТОК – Центар за култура Антон Панов – Струмица
КРАТКОМЕТРАЖНА СЕЛЕКЦИЈА
11:00
НАТОПЕНА КОСА, режија Вељко Марковиќ / БОСНА И ХЕРЦЕГОВИНА
DRENCHED HAIR directed by Veljko Matković / BOSNIA AND HERZEGOVINA / 2026 / 25 min
ШИШИЊА, режија Јасин ел Идриси / ИТАЛИЈА, МАРОКО
BOTTLES directed by Yassine El Idrissi / ITALY, MOROCO / 2025 / 18 min
СИНОВИТЕ НА ИЛИР, режија Роберт Декани / ГЕРМАНИЈА
THE SONS OF ILIR directed by Robert Decani / GERMANY / 2025 / 25 min
АНТИПОД, режија Бојан Секулоски / МАКЕДОНИЈА
ANTIPODE directed by Bojan Sekuloski / MACEDONIA / 2025 / 24 min
ОСТРОВ, режија Бранко Костески / МАКЕДОНИЈА
ISLAND directed by Branko Kosteski / MACEDONIA / 2025 / 14 min
ПОСЕБНА ПРОЕКЦИЈА
13:00 КОДОТ НА ПРЕСПА режија Никола Поповски / МАКЕДОНИЈА / 2021
THE CODE OF PRESPA directed by Nikola Popovski / MACEDONIA / 2021 / 55 min
ЕТНОЛОШКИ ФИЛМОВИ
14:00
ОГЛЕДАЛО, режија Силвестер Проле / 2023
MIRROR directed by Silvester Prole / 2023 / 10 min
ЛАЗАРЕНКИ, режија Силвестер Проле / 2023
LAZARENKI directed by Silvester Prole / 2023 / 15 min
СВЕДОШТВА, режија Силвестер Проле / 2025
TESTIMONIES, directed by Silvester Prole / 2025 / 23 min
09 Јули ЧЕТВРТОК – Парк пред дом на АРМ – Струмица
ЗЕМЈА ВО ФОКУС: ИРАН
20:30 ПРОЕКЦИОНИСТ режија Горбанали Тахерифар (2024)
PROJECTIONIST directed by Ghorbanali Taherifar / IRAN / 2024 / 95 min
09 Јули Четврток – Амфитеатар Дојран
ДЕТСКА ПРОГРАМА
20:30 БУМБАРОВОТО ЛЕТО режија Даниел Кушан / ХРВАТСКА, МАКЕДОНИЈА / 2025
BUMBLEBEE’S SUMMER directed by Daniel Kusan / CROATIA, MACEDONIA / 2025 / 82 min
