Цртаниот филм „Божикната магија на животните“ во кино „Мис Стон“

В сабота, на 14 декември во 12 часот во кино „Мис Стон“ ќе се одржи проекција на детскиот анимиран филм „Божикната магија на животните“ . Филмот премиера имаше на најпрестижниот фестивал за анимиран филм во светот, „Анеси” во Франција.

Влезниците се продаваат на билетарницата од киното денеска, петок од 10 до 12.00 ч. и еден час пред проекцијата на филмот.

Волшебни приказни се расплетуваат во „Божикната магија на животните“, каде празничните чуда оживуваат. Нурнете во овие прекрасни и модерни сказни во кои животните тргнуваат на магични патувања од Франција до Јапонија, до Далечниот север и неговата поларна светлина, ширејќи радост и великодушност. Секоја приказна е чудна и шармантна авантура зачинета со хумор и убавина специфична за зимската сезона. Дозволете поезијата да ви го плени срцето и да ве пренесе во свет каде божиќната магија нема граници.

Режија: Camille Alméras, Ceylan Beyoglu, Natalia Chernysheva, Haruna Kishi, Olesya Shchukina, Caroline Attia Larivière