Амбасадорот на Франција организираше средба со францускиот продуцент Паскал Жиделевиц со македонски филмски работни

На 28 јануари, по повод завршувањето на регионалниот проект за поддршка на копродукции, амбасадорот на Франција организираше средба со францускиот продуцент Паскал Жиделевиц, со македонски филмски работници – меѓу кои режисерките Тамара Котевска, Дина Дума и Марија Апчевска – како и со Игор Иванов-Изи, претседател на Друштвото на филмските работници, и Вероника Бучковска, раководителка за меѓународна соработка во Агенцијата за филм на Македонија.

За време на исклучително плодните разговори беа отворени прашањата за предизвиците и перспективите на идната соработка меѓу Франција и Македонија во областа на кинематографијата. Г. Паскал Жиделевиц одржа работилница за копродукција со носителите на локални проекти, како и работилница за пишување сценарио наменета за студентите на Факултетот за драмски уметности. Неговиот престој се реализира во рамките на регионалниот проект „FEF Cinéma“, чија цел е промоција на договорите за копродукција меѓу Франција и земјите од регионот.