Македонски
Европа е способна да го поддржи отпорот на Украина кон Русија дури и ако САД одлучат целосно да ја прекинат својата воена поддршка за Киев, изјави висок воен функционер задолжен за координирање на испораките на германско оружје.
Генерал-мајор Кристијан Фројдинг изјави дека лани, европските членки на НАТО и Канада заедно обезбедиле повеќе воена помош за Киев отколку САД. Тие учествувале со околу 60 проценти во вкупните трошоци на западните сојузници на Украина, рече тој.
„Војната против Украина беснее на нашиот континент, таа се води и против европскиот безбедносен поредок. Ако постои политичка волја, тогаш ќе има средства во голема мера да се компензира американската поддршка“, рече Фројдинг.
На прашањето колку долго ќе траат испораките одобрени од Бајден за Киев, Фројдинг рече дека тоа зависи од логистичките процеси, како и од брзината со која Украина го потроши оружјето и муницијата, но летото изгледаше како реална прогноза.
„Како владата на САД ќе пристапи кон понатамошните барања за воена поддршка за Украина сè уште не е јасно. Не можеме ништо да кажеме за ова прашање“, додаде тој.
