Хамилтон не е задоволен од стартот во Ферари

Пред Големата награда на Бахреин, Луис Хамилтон даде искрена оценка за моменталните можности на Ферари, признавајќи дека тие заостануваат зад водечките тимови и дека се потребни итни подобрувања.

– Треба да ја намалиме разликата од 0,3-0,4 секунди со лидерите. Ова бара сериозна работа. Ние напредуваме, но кога и другите тимови ќе почнат да прават ажурирања, ќе стане јасно колку можеме да им се приближиме. Моментално сме фокусирани да ја најдеме потребната сила, изјави Хамилтон за „Sky Sports“.

Четвртата етапа од сезоната 2025 ќе се одржи од 11 до 13 април во Бахреин.

Ферари се четврти во шампионатот за конструктори со 35 бодови. Италијанскиот тим заостанува 76 бодови зад Мекларен кој води на табелата