Македонски
Министерпот за здравство Арбен Таравари потврди дека утринава во Литванија починал Александар Карадакоски, кој беше повреден во пожарот во дискотеката „Пус“ во Кочани.
Карадакоски беше заведен како управител на дискотеката „Пулс“ која работела со фалсификувана лиценца. Тој е 60-та жртва од пожарот во кочанската дискотека која работела со фалсификувана лиценца.
Таравари кој е во посета на Липково кажа дека Карадакоски бил еден од пациентите кои биле најкртични.
Од први април му откажаа и бубрезите, беше ставен на дијализа, и за жал утрово ја добив лошата информацоија дека тој починал. 40 отсто од неговото тело беа со изгореници. Главниот пробелм беше инфекцијата, која што ја добил поради огромна површина на рани кои ги имаше на телото. Да се надеваме дека другите критични ќе поминат подобро и да ни се вратат во државата, рече Таравари.
На 16 март во дискотеката „Пулс“ се случи пожар во кој загинаа 60 лица, од нив 6 деца, а околу 200 беа повредени, од нив 25 деца. Дел од повредените се пуштени на домашно лекување. Во странство се лекуваат 79 пациенти, а во Скопје околу 15.
Вкупниот број на осомничени за пожарот во дискотеката „Пулс“ во Кочани засега е 34 физички лица, откако државниот јавен обвинител Љупчо Коцевски соопшти дека е отворена истражна постапка против 27 физички, три правни лица и против седум полициски службеници од СВР Штип и Полициската станица (ПС) Кочани кои давале позитивни мислења за неисправниот објект да добие дозвола од Министерството за економија. Во 30-дневен притвор се 31 осомничен, меѓу кои и тројца градоначалници на Кочани, како и групата од 7 инспектори и началници од СВР Штип и од ПС Кочани.
