Гренел: Парите на УСАИД се трошени за политички цели

Парите на УСАИД се трошени за политички цели, вели претставникот на новиот американскиот претседател Доналд Трамп за специјални мисии, Ричард Гренел.

Програмите на УСАИД беа вооружување против луѓе и политичари кои не беа „прогресивни“ (woke). Тимот на Бајден потроши пари од американските даночни обврзници за поддршка на програмите и кандидатите од левото крило ширум светот. Конзервативците ширум светот беа на мета, посочи тој.

The USAid programs were weaponized against people and politicians who weren’t woke.

The Biden team spent US taxpayer money to support left wing programs and candidates around the world.

Conservatives around the world were targeted.

Romania is the latest example.… https://t.co/cmPqYojRzs

— Richard Grenell (@RichardGrenell) February 3, 2025

Претседателот Доналд Трамп нареди замрзнување на речиси целата американска странска помош, велејќи дека неговата администрација ќе ги прегледа трошоците за да се осигура дека парите се распределуваат во согласност со неговата надворешна политика „Америка на прво место“.

Претседателот на Комитетот за надворешни работи на Претставничкиот дом на САД, Брајан Маст, денеска рече дека го поддржува преминувањето на УСАИД под Стејт департментот и дека треба да има „повеќе команда и контрола“.

И милијардерот Илон Маск ги критикуваше Стејт департментот и УСАИД во своите објави и објавувања на X.

Маск ја обвини УСАИД дека е „криминална организација“ и дека „време е да умре“.

Трамп го задолжи Маск да води федерална комисија за намалување на трошоците со широки овластувања за надзор.