
Претседателката на Европската комисија, Урсула фон дер Лајен, го осуди нападот врз американско-украински државјанин во Данска, кој, според извештаите на данските медиуми, бил организиран од руската разузнавачка служба, наведувајќи дека е „недозволиво“ да се вршат такви напади на територијата на ЕУ и целата Европска Унија.
Фон дер Лајен истакна дека руските хибридни напади стануваат сè помалку хибридни, а сè повеќе реални и истакна дека Унијата „има алатки и функционира“, како што рече, од тимови за брза реакција до санкции.
-Наскоро ќе предложиме нова европска безбедносна стратегија за зајакнување на нашата подготвеност и одвраќање – рече Урсула фон дер Лајен.
„Да бидеме јасни, ако Русија има намера да ја ослабне нашата поддршка за Украина, ќе постигне токму спротивното. Нашата решителност само ќе стане посилна“, напиша претседателката на Европската комисија.
Данските власти вчера објавија дека спречиле обид за убиство на американско-украински државјанин на данска територија според план, како што е наведено, организиран од руската разузнавачка служба. Според извештаите на данските медиуми, руското воено аташе било протерано од земјата како одговор.

Македонски




