Македонски
Папата Лав Четиринаесетти утрово отпатува во посета на Јужна Америка која, според медиумските извештаи, за Светиот отец претставува емотивно враќање на континентот што одиграл важна улога во неговиот духовен развој.
Лав Четиринаесетти ја започна 12-дневната турнеја во Јужна Америка, што е негово најдолго патување во странство откако беше избран за папа минатата година.
Првата дестинација е уругвајската престолнина Монтевидео, каде што поглаварот на Римокатоличката црква која обединува 1,4 милијарди верници во светот, се очекува да пристигне вечерва.
Потоа папата ќе ги посети Аргентина и Перу, каде што поминал повеќе од 20 години во мисионерска работа, а служел и како епископ. Папата, роден во САД како Роберт Превост, има и перуанско државјанство и течно зборува шпански.
Во последно време имаше сомнежи дали 71-годишниот Лав ќе може да го реализира патувањето поради дијагностицираниот рак на белите дробови. Во средината на минатиот месец тој беше опериран, но лекарите му дозволија да патува.
Според Ватикан, програмата на папата за посетата останува непроменета.
