Филип Гечовски го посветува својот прв концерт на трагично загинатите другари кај скопската обиколница

Младиот гитарист Филип Гечовски ќе го одржи својот прв солистички концерт по класична гитара којшто го посветува на своите другари Петар, Адам, Марко и првенецот на македонската опера и балет Ризте Велков, кои на 21 мај трагично загинаа на скопската обиколница.

Филип е роден во 2005 година и со изучување на класична гитара започнал на деветгодишна возраст. Во моментов е студент на трета година на Факултетот за музичка уметност во Ниш, во класата на професор Милош Јањиќ. Добитник е на повеќе награди на меѓународни натпревари по класична гитара, а учествувал и на неколку музички настани.