Во Музеј на Град скопје се отвора изложба на Владимир Гавриловски со која се одбележува шестдеценискиот творечки пат на скопскиот кујунџија

Во Музејот на град Скопје на 22 септември (вторник) во 19 часот се отвора изложбата „Вредности за незаборав“ на Владимир Гавриловски / Гава – колекција 60 години кариера.

Изложбата претставува избор од накит и украсни предмети од колекцијата на Владимир Гавриловски – Гава, во која секојдневните предмети добиваат дополнителна и значително зголемена вредност преку уметничката обработка, дизајнот и мајсторството.

Ве покануваме да присуствувате на изложбата која го одбележува шестдеценискиот творечки пат на скопскиот кујунџија Владимир Гавриловски – Гава, велат од Музејот на Град Скопје.