Македонски
Четири лица, меѓу кои и три деца, загинаа во руски напади врз регионот на Киев изминатата ноќ, а најмалку пет лица се повредени во напад врз трговски центар во Днепропетровск.
Ураинските власти соопштија дека руско беспилотно летало погодило приватна куќа, при што загинале мајка и нејзините две деца. Четвртата жртва е девојче рането во руски напад во областа Вишгород. Таа подоцна починала во болница, потврди Тимур Ткаченко, шеф на Регионалната воена управа на Киев.
Ткаченко извести дека регионот на Киев бил под напад повеќе од 24 часа и дека биле оштетени најмалку 31 објект во пет области. Оштетувања се регистрирани на 24 локации, вклучувајќи куќи, помошни објекти, комунални објекти, земјоделски комплекс и возила.
Руските сили синоќа го нападнаа и Днепропетровск, погодувајќи го трговскиот центар „Нови континент“. Повредени се пет лица, соопшти Олександр Ганжа, шеф на Регионалната воена управа на Днепропетровск. Во нападите биле оштетени и магацински простории и станбени згради.
Во последните недели, Русија речиси секојдневно ги напаѓа украинските градови со беспилотни летала и ракети, додека Украина истовремено ги засили нападите со оружје со долг дострел врз руската енергетска и воена инфраструктура.
Извор: МИА
