Вака изгледа домот на Јастремска по рускиот напад: Преживеа само пешкирот од Ролан Гарос

Познатата украинска тенисерка Дијана Јастремска го загуби семејниот стан во Одеса по руски ракетен напад, а снимките од уништениот дом ја шокираа јавноста.

Ракетниот напад се случил ноќта помеѓу 11 и 12 септември.

Според неа, зградата била директно погодена од крстосувачка ракета „Калибр“. Украинските медиуми известуваат дека горните катови на повеќекатната зграда биле тешко оштетени, додека последиците од ударот се видливи и во околните делови од зградата.

„Ова беше нашиот семеен дом“

Заедно со објавените снимки, Јастремска го опиша обемот на трагедијата и рече дека токму овој стан му припаѓал на нејзиното семејство.

Особено трогателен детаљ е она што, според нејзината објава, останало по ударот.

Само пешкирот од Ролан Гарос го преживеал уништувањето на станот. Фотографиите од тој пешкир меѓу остатоците од домот го обиколија светот.