Македонски
Јапонскиот оперски пејач Казухиро Котецу, заедно со членовите на „Менс Клаб оф Токио Опера“ од Токио, ја изведоа „Македонско девојче“-една од најпознатите и најпрепознатливи македонски песни.
Котецу и членовите на оперскиот ансамбл со години покажуваат интерес за музичкото наследство на Балканот, а во нивниот репертоар се застапени и традиционални македонски песни. Особено впечатливо е тоа што „Македонско девојче“ ја изведуваат на македонски јазик, со што на публиката во Јапонија ѝ доближуваат дел од македонската музичка традиција.
Котецу живее во Токио и настапува во тамошната опера. Но во исто време, тој е голем вљубеник во македонската музичка традиција. На овдешната публика ѝ стана познат откако пред неколку години почна да изведува бројни македонски традиционални песни.
