Македонски
Српскиот претседател Александар Вучиќ изјави дека идната година, Србија со стапка на раст на БДП од 4,5 проценти ќе биде „убедливо прва во Европа“ и дека вонредни избори ќе се одржат за најмногу три месеци.
За време на политички состанок во населбата Белегис во општината Стара Пазова, Вучиќ изјави дека во првата половина од годината, Србија имала највисока стапка на економски раст на континентот, според официјалните податоци на Евростат, и дека тоа е „предуслов за раст на платите и пензиите“.
Вучиќ исто така рече дека изборите ќе се одржат во Србија „најдоцна за три месеци“ и дека на нив „ќе се одлучува за „иднината на Србија“.
Српскиот претседател посочи дека Србија и натаму е единствената земја што не вовела санкции кон Русија, а во исто време има добри односи и со Киев и со Москва.
Србија мора да биде воено неутрална и силна… За силна армија, потребно е Србија да изгради фабрика за беспилотни летала со Израел. А со кого друг треба да ги произведуваме тие беспилотни летала? Кој е подобар од нив? И ако се произведуваат во Србија, тие ќе бидат наши беспилотни летала – истакна Вучиќ.
