Македонски
Австриската полиција соопшти дека отров за стаорци е пронајден во тегла со храна за бебиња „Хип“ (HiPP), откако производот беше повлечен од повеќе од 1.000 супермаркети „Шпар“ (SPAR) во земјата поради безбедносни причини.
Австриската полиција соопшти дека примерок од една од теглите со храна за бебиња од 190 грама со вкус на морков и компир, пријавен од купувач, бил позитивен на отров за стаорци.
„Хип“ веднаш соопшти дека не може да се исклучи можноста дека во производот е внесена опасна супстанца и дека теглите со зеленчук, моркови и компири на „Хип“ можеби биле ракувани со лоша намера.
Консумирањето на содржината на теглите може да биде опасно по живот“, наведе компанијата „Хип“.
Во полициското соопштение се наведува дека теглите за кои станува збор имале налепница со црвен круг на дното од теглата и капак кој веќе бил отворен или бил оштетен, а на некои им недостасувал заштитниот печат или имале необичен мирис.
Тие изјавија дека првичните лабораториски тестови на слични тегли запленети од полицијата во Чешка и Словачка покажале присуство на токсична супстанца. Во соопштението за медиумите не се дадени дополнителни детали.
Полицијата, исто така, соопшти дека властите во Австрија биле предупредени за ризикот по истрагите во Германија. Тие не дадоа дополнителни детали.
Според нашите моментални сознанија, оваа критична ситуација вклучува надворешна криминална вмешаност што влијае на дистрибутивниот канал на „Шпар“ Австрија“, соопшти „Хип“, но компанијата денеска не беше достапна за коментар.
Портпаролот на „Шпар“ изјави дека повлекувањето на производот е мерка на претпазливост и дека има влијание врз 1.500 продавници во Австрија и не влијаела на продажните места во други држави.
„Шпар“ и „Хип“ ги советуваа клиентите да не ја консумираат содржината на теглите купени во австриските продавници на „Шпар“. Тие велат дека клиентите ќе добијат целосна наплата за вратените производи.
Полицијата им советуваше на клиентите темелно да ги мијат рацете доколку дојдат во контакт со теглата.
