Гостиварски финти: Им ја дал возачката од сопругата и тргнал да бега

Вчера околу 01:45 часот на ул.„Питарница“ во Гостивар, полициски службеници запреле патничко возило „цитроен“ со
гостиварски регистарски ознаки.

Како што соопштија од СВР Тетово, возачот ги предал документите за увид, но во моментот кога полициските службеници ја проверувале сообраќајната дозвола, која е во сопственост на неговата сопруга, тој го стартувал возилото и со голема брзина се упатил кон с.Форино.

По преземени мерки, утврдено е дека возилото го управувал Н.К.(29) од с.Форино, кој не поседувал возачка дозвола. Против него ќе следува соодветна пријава за „безобѕирно управување со моторно возило“ по член 297-а во врска со член 300 од Кривичниот законик, велат од полицијата.