Русија и Азербејџан заедно ќе развиваат транспортен коридор преку Иран до Перскискиот Залив и Индискиот Океан

Владата на Руската Федерација го одобри нацрт-договорот меѓу Русија и Азербејџан за заеднички развој на транзитниот коридор долж западниот крак на меѓународниот транспортен железнички пат (ИТЦ) Север-Југ (Русија – Азербејџан – Иран).

Проектот во својата прва фаза предвидува инвестиции во реконструкција на железницата и транспортните објекти во Азербејџан во износ од 571 милион долари, а Баку се обврзува да ја заврши првата фаза од модернизација на железничката инфраструктура најдоцна до 31 декември 2027 година.

Рутата Азербејџан – Иран, се предвидува да биде со пристап до транспортен капацитет од најмалку 5 милиони тони годишно, а до почетокот на 2030-тите и до повеќе од 10 милиони тони.

Покрај тоа, Советот за соработка во железницата на ЗНД и Иранската железничка управа се согласија да управуваат со ирански возила на железниците на голем број земји од ЗНД.

Благодарение на ова, ИТЦ Север-Југ ќе стане пан-евроазиски систем, кој ќе ги покрива пристаништата на сите касписки земји и иранските пристаништа во басените на Персискиот Залив и Индискиот Океан.