Што ќе пронајдат? Фински инженери го раскопуваат кампот Бондстил

Финските инженери од Источната регионална команда на КФОР го завршуваат проектот за ископ во базата Бондстил во Косово, објави КФОР.

„Проекти како овој го подобруваат кампот за идните ротации, а воедно придонесуваат за подготвеноста на единицата со одржување на персоналот и опремата активни, способни и оперативно ефикасни во реална оперативна средина“, соопшти Кфор во објава на Фејсбук.

Во соопштението се додава дека ваквите напори ги подобруваат оперативните и поддржувачките капацитети и ја одразуваат континуираната посветеност на КФОР кон стабилноста и безбедноста во регионот.

Кампот Бондстил во близина на Урошевац е главната американска воена база во Косово како дел од КФОР, а од 2011 година, покрај американските, базата ја користат и други војници од мултинационалните сили на мисијата на НАТО.