Македонски
Македонката Дарија Ристеска освои златен медал на Балканскиот шампионат во дисциплина болдер, кој се одржа изминатиот викенд во Темишвар, Романија.
Ристеска која е стипендистка на Министерството за спорт и претставничка на Спортско Качувачка репрезентација на Македонија, оствари извонреден спортски успех освојувајќи го првото место и златниот медал во категоријата девојчиња до 11 години.
На Балканијадата учествуваа 136 натпреварувачи од седум балкански земји: Романија, Србија, Бугарија, Македонија, Босна и Херцеговина, Грција и Турција.
Покрај златниот медал на Ристеска, медали освоија уште двајца македонски репрезентативци:
Килијан Рајчановски – бронзен медал во категоријата момчиња до 9 години (U9)
Зои Рајчановска – бронзен медал во категоријата девојчиња до 9 години (U9).
