„Единствен матичен број“ на Лидија Димковска објавен на грчки јазик

„Единствен матичен број“ неодамна доби одлично грчко издание објавено од престижниот издавач „Вакхикон“. Промоцијата се случи на Кипар (простор што е неразделен од дејството на овој наградуван и влијателен роман), а најавени се промоции и во Солун и во Атина.

За Сотирис Минас, преведувачот на романот и посветен вљубеник во македонската книжевност, задачата да го преведе токму ова дело претставувала огромно задоволство. Лидија Димковска изјави дека овој превод е потврда за сè поголемото отворање на двете култури една кон друга и за меѓусебно запознавање на двете книжевности.