Македонски
Во Музејот на современа уметност во Скопје, денес од 12 часот, ќе имате можност да присуствувате на МСУ водич, Матине дружење со диџеј сет и ПРЕКРШЕНО ВРЕМЕ – филмска програма.
12:00ч. Со кустосот водич Бојана Јанева ќе можете да ги погледнете двете новоотворени изложби:
ПРЕКРШЕНО ВРЕМЕ . И светот се пресоздава од тоа што го заборава.”
Изложба на дела од колекцијата на Музеј на современата уметност – Скопје и дела од современи уметници.
МЕЃУНАРОДНА ИЗЛОЖБА – ,,ВОЈНА НА СЕТИЛАТА/ВОЈНА ВРЗ СЕТИЛАТА“
Уметници: Лоренс Абу Хамдан, Бејрут урбан лаб, Центар за просторни технологии, Форензичка архитектура, Кумјана Новакова, Мацуко Јокоџи и Грахам Харвуд од колективот ЈоХа и во соработка со Метју Фулет
13:00ч. МАТИНЕ со диџеј сет
16:00ч ПРЕКРШЕНО ВРЕМЕ – Филмска Програма во рамките на изложбата ПРЕКРШЕНО ВРЕМЕ: и светот се пресоздава од тоа што го заборава.
Мариа Христофориду, ΜΑΛΘΑ: Трипати изгорените архиви со неверодостојни пророштва (2021), 15’. Архивата ΜΑΛΘΑ е видео-есеј што ја вклучува културната меморија и шпекулира со неа, создавајќи привремени вистини и нудејќи нови митови што вклучуваат општествени и јазични вмрежувања.
Диего Крукс и Џијан Спина: Калабусо и уништувањето кога ќе умрам/рид [morro], 19’ Есеј-филм кој тргнува од првиот јавен простор во Латинска Америка (Passeio Público), анализирајќи како зборот/местото Калабусо (зандана) се нормализира во урбаното ткиво на градот со намера да се задржи дел од населението надвор од одредени области.
