МакедонскиЛидерите на ЕУ ќе се состанат денеска на маргините на самитот на Г20 во Јоханесбург за да разговараат за ситуацијата во Украина, изјавија денеска претседателката на Европската комисија, Урсула фон дер Лајен, и претседателот на Европскиот совет, Антонио Кошта.
„Разговаравме со претседателот Зеленски. Разговаравме за моменталната ситуација и јасно наведуваме дека ништо не треба да се одлучува за Украина без Украина“, изјавија Кошта и фон дер Лајен на социјалната мрежа „Х“.
Украинскиот претседател Володимир Зеленски изјави дека ги информирал Европската комисија и претседателот на Европскиот совет за мировниот план на американскиот претседател Доналд Трамп за Украина.
