Македонски
Здружението Крео-Аксис, поддржано од НУ Национална опера и балет со гордост објавува: АУДИЦИИ ЗА МЈУЗИКЛОТ „АЛАДИН ЈУНИОР“. Дали сте подготвени да бидете дел од вистинска бродвејска магија? Ако сте талентиран млад актер, пејач или танчер, ова е ваша шанса да станете дел од незаборавното патување во светот на театарот!
Кого бараме? Млади талентирани глумци, пеачи и танчери.
Момчиња од 12 до 18 години за улогите на:
Аладин, главниот лик – храбар и љубопитен млад човек кој соништата ги прави реалност (тенор/баритон).
Џини – харизматичен и забавен дух кој со својот хумор внеува многу енергија на сцената (тенор/баритон).
Џафар –Антагонист, интригантен и моќен злодеј, кој преку својата амбициозен и манипулативност се обидува да го преземе престолот на Султанот. (баритон/бас).
Султанот – Таткото на принцезата Јасмин, мудар и добродушен, но наивен владетел (баритон).
Јаго – итриот и саркастичен асистент на Џафар. Многу забавен (тенор).
Разул – капетан на стражата со строг карактер (баритон).
Девојчиња/девојки на истата возраст за улогата на принцезата Јасмин и останатите девојки од ансамблот.
Принцезата Јасмин – интелигентна, храбра и независна девојка која сака да избере својот пат. Јасмин поседува неверојатен вокален талент (сопран/мецо-сопран).
Девојки од ансамблот – талентирани танчерки и пејачки кои ќе ги оживеат магичните сцени.
Што добивате?
Уникатна можност да работите со професионалци од областа на глумата, пеењето и танцувањето и настап на големата сцена на НОБ
Аудициите се закажани за 26-ти и 27-ми декември 2024 година, со почеток во 19:00 часот во НУ Национална опера и балет.
Националната опера и балет, согласно својата мисија за поддршка на културните иницијативи и со визија да создаде успешна и инспиративна сцена за младите, го поддржува овој повик и ги повикува сите заинтересирани талентирани актери, пејачи и танчери да се пријават на аудициите за мјузиклот „Аладин Јуниор“!
Се гледаме на сцената!
Како да се пријавите?
За да се пријавите за аудицијата за мјузиклот АЛАДИН ЈУНИОР, следете ги следниве чекори:
1. Следете ги објавите на НОБ на https://www.facebook.com/NacionalnaOperaiBalet, www.instagram.com/nacionalnaoperaibalet
и Крео-Аксис / Студио за мјузиукли BROADWAY JR. www.instagram.com/broadway.junior/ и https://www.facebook.com/kreoaksisskopje
2. Подгответе документи: Подгответе кратка биографија (со фотографија), вашиот контакт и информации за претходно искуство во глума, пеење или танц.
3. Изберете улога: Одлучете за која улога или улоги сакате да се пријавите и подгответе се за аудицијата: Изберете песна или сцена што ќе ја изведувате на кастингот и вежбајте ја.
4. Пријавете се: Пратете ја вашата пријава преку електронска пошта на kreoaksis@gmail.com најдоцна до 17.12.2024 година или еден ден пред одржување на аудициите.
Не ја пропуштајте оваа можност да станете дел од незаборавна авантура! Вашите соништа ве чекаат на сцената на НОБ!
