Петмина со симптоми на труење: Јаделе сендвичи со стек, времено затворена сендвичарница во Штип

Инспекциските служби на Агенција за храна и ветеринарство (АХВ) по добиена пријава од Центарот за јавно здравје Штип, за можно труење со храна во сендвичарница – киоск, вчера спроведоа вонреден инспекциски надзор кај операторот со храна.

Според првичните информации, 5 лица појавиле симптоми на труење со храна откако јаделе сендвичи со пилешки стек.

Земенени се примероци за лабораториско тестирање од инкриминираната храна и брисеви од работните површини, а сендвичарницата по наредба на инспекциските служби на АХВ е времено затворена се до добивање на резулати од лабораториските испитувања, со кои ќе се потврди нејзината безбедност, информираат од АХВ.