Македонски
Врска меѓу употребата на мобилни телефони и зголемениот ризик од рак на мозокот не постои, според анализата на достапните докази објавена низ целиот свет, нарачана од Светската здравствена организација (СЗО). И покрај огромното зголемување на употребата на безжична технологија, нема соодветно зголемување на инциденцата (бројот на новодијагностицирани случаи во однос на големината на одредена популација) на рак на мозокот во светот, покажаа истражувањата. Ова важи дури и за оние луѓе што често водат долги телефонски разговори или користат мобилни телефони повеќе од една деценија.
Конечната анализа вклучуваше 63 студии спроведени меѓу 1994 и 2022 година, кои беа оценети од 11 истражувачи од 10 земји, вклучувајќи експерти од австралиското владино тело за заштита од зрачење.
Експертите ги оценија ефектите од радиофреквенцијата што ја користат мобилните телефони, но и телевизорите, бебешките монитори и радарите, изјави коавторот на студијата, Марк Елвуд, професор по епидемиологија на рак на Универзитетот во Окленд во Нов Зеланд.
– Ништо не покажа зголемени ризици – рече тој.
Тие ги разгледаа случаите на рак на мозокот кај возрасни и деца, имено: рак на хипофизата, плунковните жлезди, како и случајна леукемија. Други видови рак ќе бидат анализирани одделно. Тие, исто така, се занимаваа со ризиците поврзани со употребата на мобилни телефони, базни станици или предаватели, како и оние од професионална изложеност на сите овие сигнали.
– Ниту едно од главните прашања што ги проучувавме не покажа зголемени ризици – рече Елвуд.
