Македонски
Во март 2025 година ќе бидеме сведоци на два значајни астролошки феномени – ретроградна Венера и ретрограден Меркур.
Ретроградниот Меркур и Венера во март 2025 ќе донесат промени во различни сфери од животот. Овој период е време за преиспитување, а не за носење брзи одлуки. Одложете важни договори, бидете внимателни со комуникацијата и не се навраќајте на стари грешки. Запомнете – секој ретрограден период е можност за учење и раст!
Венера ќе биде ретроградна од 3 март до 15 април, додека Меркур ќе влезе во ретроградно движење од 14 март до 5 април. Ова може да донесе предизвици во љубовта, комуникацијата и финансиските одлуки.
Ретрограден Меркур често носи недоразбирања, технички проблеми, доцнења и враќање на нерешени прашања од минатото. За да избегнете непотребни компликации, следете ги овие препораки:
Избегнувајте потпишување договори – Овој период не е погоден за правни и деловни обврски.
Не купувајте електроника и автомобили – Новите уреди и возила можат да имаат дефекти или проблеми.
Не започнувајте нови проекти – Плановите може да се променат или да наидат на неочекувани пречки.
Внимавајте во комуникацијата – Проверувајте пораки и документи двапати за да избегнете грешки.
Избегнувајте големи финансиски трансакции – Вложувањето во нешто ново може да доведе до загуби.
Не донесувајте импулсивни одлуки – Обмислувајте добро пред да направите значајни промени.
Овен – не влегувајте во нова врска
Ретроградната Венера ве тера да преиспитате стари љубовни врски. Не влегувајте во нови односи и не носете импулсивни одлуки во љубовта. Ретрограден Меркур ќе ви донесе недоразбирања на работа – внимавајте на документите и договорите.
Бик – не позајмувајте пари
Ќе почувствувате збунетост во личните вредности и финансии. Не позајмувајте пари и не инвестирајте во нешто несигурно. Во љубовта, можни се враќања на поранешни партнери.
Близнаци – хаос во комуникација
Вашата владејачка планета, Меркур, е ретроградна – што значи хаос во комуникацијата. Бидете внимателни со електронската пошта и договорите. Одложете патувања и не започнувајте нови соработки.
Рак – семејни прашања
Можно е враќање на нерешени семејни прашања. Избегнувајте конфликти со блиските. Не започнувајте реновирања во домот. Во љубовта, не донесувајте избрзани одлуки.
Лав – пад на самодоверба
Ќе почувствувате застој во креативноста и самодовербата. Ретроградната Венера може да донесе несигурност во врските. Не менувајте драстично имиџ и не започнувајте нови љубовни авантури.
Девица – внимавајте на здравјето
Вашиот владетел Меркур е ретрограден, што значи дека треба да бидете внимателни со работата и здравјето. Не потпишувајте нови договори и не правете драстични промени во секојдневните навики.
Вага – турбуленции на љубовен план
Венера, вашата владејачка планета, е ретроградна, што значи турбуленции во љубовта. Не правете важни љубовни одлуки и не донесувајте заклучоци без добро размислување.
Скорпија – откриена тајна
Можно е враќање на стари тајни или проблеми од минатото. Овој период не е добар за правење финансиски зделки или заплеткување во љубовни игри.
Стрелец – проблем со пријател
Избегнувајте спонтаност во комуникацијата, бидете директни. Можни се проблеми со пријатели и недоразбирања во работната средина. Не започнувајте нови проекти.
Јарец – внимание со парите
Ретроградната Венера влијае на вашата кариера – не носете важни одлуки во професионалниот живот. Не започнувајте нови работни проекти и внимавајте на финансиите.
Водолија – избегнувајте патувања
Патувањата може да бидат проблематични – одложете ги ако е можно. Внимавајте на лажни вести и проверувајте ги информациите повеќекратно.
Риби – не земајте заем ни кредит
Финансиските трансакции може да бидат нестабилни. Избегнувајте задолжувања и потпишување договори. Во љубовта, бидете трпеливи и не носете глупави и избрзани одлуки.
