Македонски
За која професија сте родени вие, според вашиот хороскопски знак?
Овен
Со каков предизвик и да се соочите, вие веднаш преземате иницијатива и го давате најдоброто од себе.
Идеални сте за лидерски позиции, каде вашата храброст може да ги инспирира другите и да води до колективен успех.
Доколку почнете свој бизнис, без разлика во која област, брзо ќе забележите успех благодарение на вашата иновативна визија.
Размислувате стратешки и ќе оставите белег како лидер во која било индустрија.
Бик
Најмногу ви годат професии во кои ќе ја покажете вашата креативност, но и вашата практична страна.
Имате изострено око за луксуз и комфор, па одлично би се снашле во професија поврзана со уметност, дизајн на продукти, но и дизајн на луксузни домови.
Ќе бидете доста успешни со своја уметничка галерија, но и како дизајнер на продукти за некој луксузен бренд.
Можете да предвидувате трендови, што значи секогаш ќе бидете чекор пред другите.
Близнаци
Вие сте мошне комуникативна личност. Интелигентни сте и љубопитни и лесно ги шармирате другите.
Одлично би се снашле со професии како новинар или водител.
Умеете да раскажувате и да им го привлече вниманието на другите, а истовремено секогаш сте и темелни со истражувањата.
Би биле и одличен професор или наставник бидејќи имате дарба на едноставен начин да објаснувате и комплексни теми, со што, пак, можете да ги инспирирате и мотивирате младите умови.
Рак
Како грижлива личност, имате наклонетост кон професии каде ќе ви се укаже можност да им помогнете на другите.
Без двоумење ги ставате туѓите потреби на прво место.
Па, би биле одличен работник во областа на медицината или социјалната работа.
Имате трпение и изразена емоционална интелигенција, што е клучно за професиите од оваа област.
Добро ви оди и со деца, па би биле мошне добар педијатар или детски терапевт.
Лав
Харизматични сте и вашата енергија е заразна, па најдобро ќе се снајдете во област каде што ќе бидете во центарот на вниманието.
За вас идеални се лидерските позиции, особено ако се поврзани и со нешто креативно.
Би биле одличен филмски режисер, но и директор на технолошка компанија бидејќи секогаш ќе најдете начин да допрете до купувачите.
Можете да бидете и мошне добар мотивациски говорник бидејќи знаете како да го привлечете вниманието на другите и да ги инспирирате.
Девица
Способноста за анализирање и ефикасноста ве прават одлични за професии каде се потреби прецизност и критичко размислување.
Би биле мошне успешни (и среќни) како научник или инженер кој треба да обрне внимание и на малите ситници.
Темелни сте во сè што правите, па би можеле да работите и нешто со фокус на истражување.
Практични сте, па лесно ќе се снајдете и во позиција на лидер.
Вага
Вие сте личност која ги цени хармонијата и рамнотежата.
Можете да бидете вистински дипломат и ова, во комбинација со вашата интелигенција, може да ве направи успешни во професии каде што треба да се преговара, но и каде што треба да имате вештини за комуникација.
Одлично би се снашле во политички води, но и како правник, судија, адвокат…
Генерално, со вашите комуникациски способности, речиси и да нема индустрија во која не би успеале.
Скорпија
Љубопитни сте и издржливи, а притоа сакате и мистерии и тајни.
Сето ова ве прави мошне добри во области кои бараат темелно истражување.
Би биле мошне добри во истражувачко новинарство, но и како детектив или форензичар.
А, бидејќи сте фасцинирани од човечкиот ум, би се покажале како одличен психолог или психијатар.
Бидејќи добро работите под притисок, не би имале проблем и во постресна работна околина.
Стрелец
Вам ве води желбата за знаење и сакате да поместувате граници.
Имате авантуристички дух, поради што најмногу „ви лежат“ професии во кои можете да истражувате и да ги инспирирате другите.
Би биле одличен туристички водич, но и режисер на документарци кој ќе ги истражи и најскриените места во светот.
Љубопитноста, пак, би ве направила одличен истражувач или изумител.
Јарец
Вие сакате дисциплина и структура, а ве привлекуваат професии каде приоритет се стратешкото размислување и долгорочно планирање.
Одлично би се снашле на некоја менаџерска позиција.
Но, ќе се истакнете и во професија која бара детално планирање и чувство за естетика, како архитект.
Истовремено, би биле успешни и во областа на финансиите, особено ако треба да им помагате на другите да ја осигураат својата иднина.
Водолија
Вам ве привлекуваат професии кои ги тестираат нормите, но и поттикнуваат социјален прогрес.
Независното размислување и желбата да помогнете ве тераат да правите нешто што ќе предизвика промена и иновација.
Би биле успешни и среќни во технолошкиот сектор, но и што било поврзано со барање решенија за подобра иднина.
Сакате и социјален активизам, па сигурно би биле успешни и во невладината сфера, со своја организација.
Риби
Како личност со изразена интуиција, вам ве привлекуваат професии каде се важни креативноста и емпатијата.
Сакате да допрете до другите луѓе.
Би биле одличен терапевт бидејќи можете да им помогнете на другите да се искажат себеси и да ги разберат своите емоции.
Сакате да направите промена во светот, па одлично би се снашле со хуманитарна работа.
Можете да успеете и во филмската индустрија, како режисер или сценарист бидејќи и на овој начин можете да допрете до многу луѓе.
