Зеленски тврди дека ја гаѓа Русија со украински ракети

Претседателот на Украина, Володимир Зеленски денеска изјави дека нападите на украинската армија врз руската инфраструктура изминатите денови се извршени со ракети произведени во земјата.

-Важно е да се разбере дека изминатите денови Украина користи исклучиво украински производи (и тоа не се) само дронови, наведе Зеленски на брифинг во Киев, одговарајќи на прашање дали Украина ги употребила своите нови ракети „Фламинго“ со долг дострел против руски цели.

Тој додаде дека не се засегнати испораките на оружје произведено во САД за Украина од тековната делумна блокада на американската федерална Влада.