Македонски
Поранешниот британски премиер, Тони Блер, го повика актуелниот претседател на владата, Енди Барнам, да се заложи и да работи за повторно приклучување на Велика Британија кон Европската Унија.
Според Блер, односите со Брисел треба да се градат преку долгорочна и структурирана рамка, а не преку одделни договори.
Во документ на Институтот „Тони Блер“ се предлага Велика Британија во следната деценија да се стреми кон членство во значително реформирана Европска унија. Меѓу условите за евентуалното враќање се наведуваат слободното движење на луѓе и финансиски придонес во буџетот на ЕУ.
Блер сепак смета дека Лондон не треба едноставно да го обнови претходниот статус во единствениот пазар и царинската унија. Според него, идното членство треба да биде дел од поширока реформа на ЕУ, што би ја зајакнала позицијата на Европа во конкуренцијата со САД и Кина.
Поранешниот премиер како пример за пофлексибилен пристап кон земјите надвор од Унијата го посочи и предложениот нов модел на односи меѓу ЕУ и Канада.
