Македонски
Шефот на сириската преодна влада Абу Мохамед ал Џулани, отиде во посета на Саудиска Арабија каде што двете земји ќе договорат воспоставување официјални односи.
Откако ги прекина врските со сириската влада во 2012 година, Саудиска Арабија стана значаен поддржувач на милитантните групи во сириската граѓанска војна, обезбедувајќи им финансиска и воена поддршка.
Првото официјално странско патување на Ал-Џулани во Саудиска Арабија испраќа важни сигнали до земјите во регионот.
Саудиска Арабија е жесток противник на Муслиманското братство и ја означува групата за терористичка организација. Спротивно на тоа, Турција, традиционално, го поддржува сириското Муслиманско братство и неговите поврзани милициски фракции.
Затоа, официјалната посета на Ал-Џулани на Саудиска Арабија укажува на стратешки потег за противтежа на влијанието на Турција во Сирија преку зголемување на соработката и внесување на Саудиска Арабија во новата равенка за Сирија.
