Русија го утврди 19 април како Ден на сеќавање на жртвите од геноцидот врз народот на СССР

Претседателот на Русија, Владимир Путин, потпиша закон со кој се утврдува нов комеморативен датум 19 април – Ден на сеќавање на жртвите од геноцидот врз народот на Советскиот Сојуз.

Измените се направени во важечкиот федерален закон „За деновите на воена слава и комеморативните датуми во Русија“.

Претседателот на Државната дума, Вјачеслав Володин, од своја страна, истакна дека повеќе од 13 милиони цивили во СССР станале жртви на нацистичката окупација.

Наша должност е да го зачуваме споменот на херојството на нашите дедовци и прадедовци, кои го спасија целиот свет од нацистите. И да ги спречиме другите да ја заборават вистината за злосторствата на нацистите и херојството на советскиот народ“, објасни Володин.